Det handlar ikkje berre om sjølv løpet.
Det handlar like mykje om vinteren og tida før løpet. Det å ha registrert seg til løpet, eller ha som mål å gjennomføre (her kan ein sette punktum dersom målet er gjennomføring) til en gitt tid, betre tid enn ein kollega eller venn, gjer at ein lettare tar på skoa i den mørke, kalde tida (les: vinteren). Asics Sentrumsløpet i april er på mange måter kick-off for årets løpesesong for mange tusen. Startskotet for eit nytt sommarhalvår med løpeeventyr som ligg der framme!

Det å vite det er ein startstrek ein skal stå på når våren kjem, gir motivasjon og energi. Det kan vere ein avgjerande faktor som gjer at ein trosser vêr og føre, og legg ut på løpetur. Eller ein faktor som gjer at ein samlar nokre ekstra kilometer på tredemølla, noko ein elles kanskje ikkje ville gjort. Ein legg ein plan fram mot løpet, og det knyt seg ekstra spenning og energi rundt raceday. Dagen der ein skal teste og måle utbytte på vinterens trening.

Utandørs har vinteren på austlandet vore alt anna enn snill denne sesongen. Vinteren har servert utfordringar som snø, slafs og is heilt ned i «løpe med stillongs-temperaturar». Men for min eigen del kan eg seie at eit løp på våren, rett etter at vinteren har takka for seg, gjer at eg søkjer kvalitet på treningsturar gjennom vinteren. Eg prioriterer treninga, finn tid og eg tar val som gjer at eg kan stille godt rusta når startskotet går.

Race gjer noko med mindsettet. Sjølvsagt når det gjeld tankar og fokus der og då, når du står på startstreken. Men også det å vite at eit løp ligger lengre framme i kalenderen gjer at tankar og val blir tydelegare og enklare. Tydeleg og enkelt er verdiar som er gode å ha med seg i eit hektiske informasjonssamfunn, og for min eigen del ein travel fase i livet. Mi meining er at dette også er to viktige poeng som gjer at så mange vel løping som idrett. Det å ta sikte på eit løp synest eg er med på å reindyrke desse områda, og for meg er eit løp ein katalysator og motivator på det eg liker å drive med. Uavhengig av PB eller ikkje på sjølve løpet.

På startstreken og dei siste dagane inn mot Asics Sentrumsløpet kan tankar som at eg skulle ha trena meir, eller sprunge meir, dukke opp: at eg burde førebudd meg meir. Men som småbarnsfar, travelt opptatt med andre aktivitetar og jobb så har eg blitt betre til å tenke: «Eg har gjort så godt eg har kunna». Eit race der framme har haldt meg skjerpa og fokusert, og når eg står på startstreken har eg allereie vunne litt i form av opplevingar, erfaring og forhåpentlegvis ei betre form. Eg har også gleda meg på vegen til sjølve løpet.

Så det handlar altså ikkje berre om løpet som no som skal gjennomførast. Ein lokal pokal (les: gratuler deg sjølv) til meg allereie på startstreken gir ein god følelse. Tommel opp og godfølelse er eit godt våpen i jakt på målet i eit løp.

Masse lykke til på Asics Sentrumsløpet 2019!
Vennleg helsing
Kim Borge Kolstad
Kaptein
ASICS FrontRunner
Norway

Sjølv om løping er ein sport som i utgangspunktet ikkje stiller store krav til utstyr, kan mangel på passande klede føre til stor irritasjon. På sommartid er det ein smal sak å kle seg riktig, men på vintertid kan dette vere ei utfordring. I denne artikkelen skal eg dele mine mest nyttige erfaringar frå mine mange løpeturar i kalde temperaturar. Med ein liten dose planlegging unngår du at løpeturane i vinter blir ukomfortable på grunn av vêret.

Ha eit sett med jakke og bukse/tights du kan bruke under kalde dagar. Kor varmt du kler deg kan du regulere ved å tilpasse kva du har under jakka og buksa. Stort sett spring eg med ein vanlig langtights heile året. Når det er ekstra kaldt, bruker eg enten ein tynn ullunderdel under tightsen, eller ein fora vintertights. På dagar der det ikkje er fult så kaldt kan du ha tekniske t-skjorter og genserar. Når det verkeleg riv i lufta, kan du ha ein pustande ulloverdel innerst mot kroppen. Erfaringsmessig synes eg merinoull fungerer bra. Det pustar godt, og er enkelt å vedlikehalde.

Jakker som er meint for opplett er veldig forskjellige frå jakker som er meint for nedbør. Ofte må ein ta eit val mellom å prioritere pusteeigenskapar og vasstettleik. Når det striregnar ute, bør du passe på å ha ei jakke som ikkje gjer deg søkkvåt med ein gong. Då blir du meir eksponert for vind, og har lettare for å bli kald. Likevel kan du, til en viss grad, beskytte deg mot regn utan å ha vasstett jakke – ull held godt på varme sjølv om det blir vått. Når snøen er tung, gjeld delvis dei same reglane som ved regn, fordi snøen smeltar og blir våt. Når det snør lett eller er opplett, er det best å kle seg i enkle jakker som pustar godt. Ein ulempe med å bruke vasstette jakker når det ikkje regnar er at ein ofrar pusteeigenskapar utan å få noko igjen for det. Blir ein veldig gjennomsveitt innvending, er ein eksponert for vind og kulde. Det er viktig å påpeike at det finst fleire løpejakker i dag som både pustar godt og held regn ute.

 

Døme på vinterklede.

Det er nokre små detaljer eg alltid hugsar på når det er kaldt. For det første tar eg alltid på meg løpehanskar når det er kaldt. Hausten kjem aldri utan å overraske meg over kor mildt det kan vere når eg likevel allereie har begynt å fryse på hendene. Løpehanskar finst i mange variantar, i alt frå gore tex til tynt, teknisk stoff. Ein buff og ei tynn lue er også smart å ha med seg på tur. Ein er gjerne kald i hals og på hovudet i det ein legg ut på tur, men det er også typisk at ein blir fortast varm i hals og på hovudet etter kvart. Derfor er det eit poeng at lua ikkje er for tjukk og at den har gode pusteeigenskapar. For det andre, unngår eg alltid bare anklar. Det er viktig å passe på at musklar og senar held seg varme for å unngå ulike formar for skadar. Pass derfor alltid på å ha høge sokkar om du har på deg ei bukse eller tights som sluttar på ankelen, der akillessena er spesielt utsatt. For det tredje, tar eg alltid med meg klesskifte som eg kan byte til rett etter trening om eg ikkje får dusja med ein gang. Viss eg har anledning til å byte til ein tørr overdel før nedjogg etter intervalløkt, så gjer eg det.

Det er stor forskjell på ein kort løpetur i nærområde og ein lang løpetur til fjells. Vit kva du skal trene, og kle deg deretter. Vinteren kan by på mange store løpsopplevingar. Pass derfor på å la det bli løpinga som er i fokus når du drar ut, og ikkje kor mykje du frys på beina.

Skrive av ASICSFrontRunner Andreas Iden

 

Asics Frontrunner er ei global rørsle som har som mål å motivere, overprestere og inspirere både seg sjølv og andre til å jobbe hardt for målet om ei sunn sjel i eit sunt lekam.

Les meir her.

Laurdag 21. april 2018 gjekk Asics Sentrumsløpet 2018 av stabelen. Vi hadde 11.365 deltakarar påmeldt og 9507 som fullførte eit av løpa, noko som er om lag 200 fleire enn i 2017. Vêret var strålande og gatene var fulle av deltakarar og tilskodarar.

 

Kl. 13 var det allereie folksamt på Karl Johan og i Spikersuppa og kl. 13.30 opna vi arrangementet med Norlandia Sentrumsløpet for Barn. Her hadde vi 527 deltakarar som var meir eller mindre motivert til å springe heile runden rundt Spikersuppa. Uansett løpsmotivasjon var det veldig god stemning og alle barna fekk medalje, som BUL-medlemer, mellom andre Heidi Weng og Martine Ek Hagen delte ut.

 

 

Kl. 14.30 sette Asics Sentrumssprinten i gang med 24 deltakarar som sprang frå Slottstrappa til Egertorget. Vinnarane var Sigurd Tveit (0:01:50) og Yngvild Elvemo (00:02:05).

 

Etter dette byrja gatene verkeleg å fylla seg opp. Asics Sentrumsløpet 10 km skulle i gang frå kl. 16.00 og dette er det klart mest populæret løpet med 10 ulike puljar og totalt 7839 fullførande deltakarar.

 

Slik blei topp 3-lista:

Kvinner

  1. Vienna Søyland Dahle (IL Skjalg)  0:34:10
  2. Runa Skrove Falch (SK Vidar)  0:34:26
  3. Mikaela Larsson (ASICS FrontRunner/ Spårvägen) 0:34:34

Menn

  1. Mustafa Mohamed (Hälle IF)  0:29:50
  2. Weldu Negash Gebretsadik (IL i BUL)  0:29:55
  3. David Nilsson (Högby/MotionMetrix/Asics)  0:30:08

 

Kl. 17.30 byrja dagens siste løp: Asics Sentrumsløpet 5 km . Her var det 1117 fullførande deltakarar. Slik blei topp 3-lista:

Kvinner
1. Gunhild Halle Haugen (Runar friidrett)  0:18:01
2. Maren Halle Haugen (Runar friidrett)  0:18:19
3. Anna Marie Nordengen Sirevåg (Sportsklubben Vidar)  0:18:21

Menn
1. Marius Garmann Sørli (Ask Friidrett)  0:15:33
2. Rasmus Gregersen (ASICS FrontRunner Scandinavia)  0:15:34
3. Andreas Iden (ASICS FrontRunner)  0:15:40

 

Dei fleste som var med på 10 km- og 5 km-løpet hadde naturleg nok ikkje 1. plassen som mål, men dei hadde sett seg personlege mål. Det var fantastisk å sjå alle dei glade deltakarane som kom over målstreken med henda i vêret. Ved mål streama vi live-intervju med deltakarar på Facebook (Sentrumsløpet), delte ut drikke, bananer og, sjølvsagt medaljar.

 

 

Tusen takk til alle som deltok, alle frivillige og alle våre samarbeidspartnarar for ein flott dag!

Sjå fleire bilete og videoar på vår Facebook-side.

Torkjel Hurtig er den yngste nordmannen som har nådd toppen av det høgaste fjellet på kvart kontinent. Her oppdaterer han oss om treninga si fram mot Asics Sentrumsløpet.

Kven er Torkjel Hurtig?


Treningsfrustrert.

 Motivasjonen er der. Lysta er der. Viljen er der. Gleda til 21.april med heiande tilskodarar, energiske løparar og folkefesten er definitivt der. Så blir ein forkjøla og alt blir snudd på hovudet. Ein av dei verste følelsane eg veit om. Du vil trene, men kan ikkje, eller burde i alle fall ikkje gjere det.

Planen var å leggje inn den verkelege støyten med løpinga i akkurat desse vekene, men kroppen med hans biholer, slim og gørr gjer det noko vanskeleg. Det er vanskeleg å ikkje miste motivasjonen, men eg prøver så godt eg kan å vere positiv. Fokus er utelukkande på å bli frisk, restituere og krysse alt som kryssast kan for at forkjølinga slepp taket.

No er det under to veker igjen til startskotet går, og nervane er definitivt der. Spørsmålet eg stiller meg for tida er: skal ein satse absolutt alt frå start for å halde 40 min-tempo og moglegvis gå på ein sprekk eller gå for ny offisiell personleg rekord som vil vere alt under 46 min? I veldig mange situasjonar kan ein ofte pushe seg gjennom øvingar berre ein ikkje gir opp, men eg føler det er litt annleis med løping.

Sjølvsagt kan ein pushe seg gjennom eit løp, men ein vil ikkje plutseleg klare å halde 400 m-sprint-tempo gjennom 10 km, uansett kor mykje ein vil. Då vil kroppen trekkje i nødbremsen og «hold», mjølkesyre osv. blir ein ubehageleg realitet. Å berekne det perfekte tempoet, det som er så raskt at du ikkje føler du klarer å spurte dobbelt så fort den siste kilometeren eller som er sakte nok til at du ikkje får mjølkesyre etter bakken opp til Slottsparken, er ei krevjande øving. Med ein sjukdomsperiode rett før løpet blir det endå vanskelegare, men det gjer det i minste veldig spennande. Er vel ingen tvil om at erfaring og mil i beina betrar dømmekrafta, så mi oppfordring til alle er å utnytte dei siste ti dagane så godt som det lar seg gjere. Gi gass, men spar den beste mila til 21.april 🙂

 Lykke til!

Følg Torkjel på Instagram

Torkjel Hurtig er den yngste nordmannen som har nådd toppen av det høgaste fjellet på kvart kontinent. Her oppdaterer han oss om treninga si fram mot Asics Sentrumsløpet.

Kven er Torkjel Hurtig?


Ein månad har gått sidan førre nyheitsbrev – ein periode fylt med ny kunnskap, sveitte og ein dose frustrasjon.

Styrken min innanfor uthald har vore at eg kan gå lenge og lengre enn langt, gjerne med ein tyngre sekk på ryggen. Ein blir «seig», men ikkje spesielt hurtig, sjølv om namnet mitt skulle tilseie noko anna. På fjellekspedisjonar fokuserer ein på å gå så seint som mogleg for å la lungene og kroppen venne seg til den gradvis tynnare lufta. Det å gi full pinne frå start på Sentrumsløpet er ein rimeleg stor overgang. Det handlar om å utfordre kroppen, men ikkje minst psyken.

Eg har nesten vakse opp med Sentrumsløpet og sprunge, kanskje meir riktig å seie jogge, løpet fleire gonger. Raskaste per i dag er rundt 46 min, og i februar tenkte eg at sub 40 min ville vore eit tøft, men overkommeleg mål.

No er det 40 dagar igjen til startskotet, treninga er i gang, og eg antar at det er fleire som har begynt å visualisere korleis det er å småtrippe langs Karl Johans gate dei nervepirrande minutta før det heile brakar laus. For ein blir litt nervøs når ein har sett seg eit mål og ønskjer å prestere, uavhengig av kva tid ein skal prøve å kome under.

Mine førebuingar har bestått av nokre mølleøkter, ein god del skiturar for å bygge grunnleggande kondisjon, nokre økter utandørs og fleire økter med IL i BUL på Bislett Stadion. Personleg har eg aldri hatt noko som helst form for løpetrening eller coaching – eg har berre trent i mitt sjølvvalde tempo og hatt min eigen teknikk, eller mangel på teknikk som eg no har innsett. Det er ikkje superavansert, men det er fleire moment ved løping som eg aldri har ensa ein tanke. Mange lesarar av desse nyheitene har mykje betre kondisjon og teknikk enn underteikna, men dei viktigaste punkta eg har fått med meg er 1) prøv å auke frekvensen 2) slapp av i skuldrene 3) få hoftene fram og opp (det vanskeligaste punktet for min del – å skyve hofta framover mens ein spring (som å ta ein kontinuerleg hip thrust). Om ein ikkje er bevisst på dette stikk rumpa fort bakover og det ser ut som ein eigentlig må ein tur på toalettet. 4) spring mykje 5) tenk at du skal sveve bortover bakken med minst mogleg bevegelsar vertikalt og sidelengs – tenk ergonomisk løping.

Utover det å få eit heilt nytt perspektiv på kva løpeteknikk er, kor viktig det er med god kjernemuskulatur og spenstige leggar, så har eg innsett at det å springe 1000-meterar på 4 min i snitt 10 gonger etter kvarandre er, for min del, ei tøff utfordring. Mykje må gjerast dei neste vekene, og restitusjon mellom øktene blir desto viktigare jo fleire økter eg får lagt inn i veka. Sidan kroppen ikkje har vore vant til å springe jamleg dei siste to åra, har fokus på skadeførebygging hatt høg prioritet. Beinhinnebetennelse har dessverre vore ein gjengangar tidlegare, og sjølv om eg starta med berre ei til to korte økter per veke, kjente eg ei ubehageleg smerte langs beinhinnene etter berre eit par veker. Tøying og massasje av leggar, mykje tåhev og trening i moderasjon har vore viktig. Har eg fått vondt etter ei økt har eg tatt det med ro nokre dagar til smerta har gitt seg. I dag, etter om lag seks veker med jamleg løpetrening, har smerta ikkje heilt sleppt taket, men eg føler at eg held ho i sjakk, i det minste til remis. Ganske frustrerande, men sånn er det når ein utfordrar kroppen med ting han ikkje er vant til. Nye, gode sko er ei enkel investering i eiga helse, og følelsen av å sprette bortover underlaget gir den ekstra motivasjonen ein nokre gonger treng.

Dei neste vekene aukar eg treningsmengda, og ein runde eller to i sjølve Sentrumsløp-løypa er eit must for å få følelsen av kor dei tunge og lettare partia er. Psykisk førebuing synst eg fortener eit ekstra fokus, spesielt når ein er usikker på korleis kroppen fungerer 21.april. Jo fleire usikkerheitsmoment ein klarer å eliminere, jo lettare er det å konsentrere seg om dei enkle oppgåvene: å sette den eine foten framfør den andre så fort ein klarar.

Vi er glade for å kunne presentere Hertz BilPool som ny partnar til Asics Sentrumsløpet

Hertz BilPool er ein bildelingsteneste der bilar er utplassert på faste parkeringsplassar rundt om i Oslo. Med Hertz BilPool får du tilgang til bil når du har behov og slepp å eige eigen bil. Det er ei miljøvennleg løysing, ein bilpoolbil erstattar mellom 9 og 13 privateigde bilar. Som medlem i Hertz BilPool slepp du å tenke på service, dekkskift, vask og andre nødvendigheiter som følger ved det å eige ein bil. Likevel har du alltid ein bil tilgjengeleg i nærleiken når det trengst.

«Vi er stolte og gleder oss til samarbeidet med Asics Sentrumsløpet. Løypa passerer 5 stader der vi har bil tilgjengeleg for medlemmene våre og mange av deltakarane bur sentralt i Oslo og lever fint utan å eige eigen bil. Vi jobbar med å redusere behovet for privatbilar, dette heng godt saman med å bruke byen til trening, mosjon og aktivitet. Det å vere partner til eit slikt flott arrangement er verdifullt for oss», seier Eivind Thorne, leiar for Hertz BilPool.

«Vi er allereie ein brukar av tenestene dei tilbyr, fordi det er ein billig og enkel måte å dekke vårt behov for bil, dei gongene buss og trikk ikkje strekker til. Kontoret vårt er i Oslo sentrum og Hertz Bilpool har bilar utplassert over heile byen. Bilparken deira består av alt frå småbilar til varebilar. Hertz Bilpool er derfor ein perfekt partner for Asics Sentrumsløpet», seier Kristoffer Nilsen, dagleg leiar i arrangørklubben, BUL.

Torkjel gjekk opp på det høgaste fjellet på kvart av verdas kontinent på 1055 dagar. No vil han springe Asics Sentrumsløpet på under 40 min.

 

Kven er Torkjel Hurtig?

Torkjel er 28 år, tidlegare fallskjermjeger og sivilingeniør med mastergrad i Industriell økonomi og teknologileiing frå NTNU i Trondheim. Etter fullførte studiar ønska han å gjere noko anna, som både kunne gi ei form for tilleggsutdanning og ei oppleving for livet. Målet hans var å gå opp på det høgaste fjellet på alle verdas kontinent. Torkjel nådden toppen av Mount Everest i mai 2017, som tidenes yngste nordmann, og fullførte 7-summits-prosjektet ved å stå på toppen av Mount Vinson i Antarktis rett før jul i fjor.

Hans neste prosjekt: springe 10 KM i Asics Sentrumsløpet under 40 minutt.

Korleis skal Torkjel nå målet?

I utgangspunktet er Torkjel heller vant til å gå langt med tung sekk, og det å springe i 15 km/t i 40 minutt er per i dag eit veldig hårete mål. Han begynner gradvis med løpstrening i IL i BUL, kombinert med andre former for kondisjon og ein del styrke. Det tar tid for kroppen å venne seg til springing, men med over to månader igjen til start er alt mogleg og mykje kan skje fram mot løpet.

I kvart nyheitsbrev fram til 21. april får du ei oppdatering på korleis det går med prosjektet til Torkjel. Vi oppfordrar deg også til å følge han på Instagram (@torkjelhurtig). Her har Torkjel laga ein historie som heiter Sentrumsløpet, der du kan følge hans veg mot målet.

(Historiene finn du rett under profilbeskrivinga – dei er berre tilgjengelege via Instagram-appen til telefon og nettbrett.)

Eit globalt vaksande community av ambassadørar kjem no til Noreg. Og du kan bli medlem.

ASICS FrontRunner-prosjektet starta i 2010 i Tyskland og har no medlemmer frå over 30 land verda rundt. I år blir det også i Noreg søkt etter inspirerande menneske som brenn for aktivitet. Nye team skal byggast i Noreg og Danmark, samtidig som Sverige aukar medlemstalet. Samen blir dei tre landa ASICS FrontRunner Skandinavia.

– Det kjennest veldig bra at vi no får medlemmer i heile Skandinavia. Vi kjem til å ta inn ti nye medlemmer i Noreg, og eg ser med spenning fram mot dette nye året saman, seier Thomas Pickelner, ASICS FrontRunner Community Manager.

Det svenske teamet starta i 2017 og består av svært ulike menneske. Alt frå mosjonistar som har sprunge sine første løp, til eliteutøvarar som OL-triatleten og medaljevinnaren Lisa Nordèn, landslagsløparen David Nilsson og ultraverdsmeisteren Jonar Buud.

– Kombinasjonen av eigenskapane til kvar enkelt gjer vårt community veldig sterkt og unikt. Det første året i Sverige har vore fantastisk og det kjennest allereie ut som vi er ein familie. Dette året håpar eg vi får medlemmer som har ein annan bakgrunn enn frå ulike typar springing, men som også forhåpentlegvis spring av og til.

No kan du søke om plass på laget!

Mellom 15. januar og 11. februar kan du søke om plass på teamet i Norge. Blir du ambassadør får du mellom anna eksklusiv tilgang til det internasjonale ASICS FrontRunnet-community, sesongtilpassa produkt, delta på ASICS-eventar og løp med meir.

Les meir om ASICS FrontRunner

Video frå prosjektet i Sverige

 

Skrevet av Marius Vedvik, vinner av Asics Sentrumsløpet 2017.

Et nytt år er like rundt hjørnet, og mange setter seg nye mål inn i det nye året. Et klart definert mål er med på å skape ekstra motivasjon og mening med treninga. Om målet er å fullføre 10km, eller å løpe under 50 minutter spiller en mindre rolle. Det viktigste er at man har noe å jobbe mot, som bidrar til god helse og livskvalitet. I det perspektivet er en 10km i Sentrumsløpet et perfekt mål for mange gjennom en lang treningsvinter.

Det viktigste når man skal planlegge en treningsperiode er å ha en realistisk forståelse av egne forutsetninger, ambisjoner og mål. Hvor mye tid man har til rådighet og vanskelighetsgraden på målsettinga må styre treninga. Dersom man ønsker å gjennomføre 4 økter i uka vil eg anbefale to intervalløkter og 2 rolige økter. Dei rolige øktene blir brukt til å hente seg inn igjen etter dei harde øktene, og kan vare frå 30-90 minutt. Intervalløktene kan gjerne gå i konkurransefart 10km, og eksempel på treningsøkter er 25*1 minutt i 10km-fart med 30 sekund pause og 6-8*1000 meter i 10km-fart med 2 minutt pause. På denne måten får man både rolig og hard trening, som både på kort og lang sikt bidrar til utvikling som langdistanseløpar. Det er viktig med god oppvarming og nedjogging i forbindelse med hardøktene, gjerne 2km oppvarming og 2km nedjogg for å starte restitusjonen så kjapt som mulig etter trening. Det er også viktig med inntak av næring rett etter trening. På den måten får man maksimalt utbytte av hver treningsøkt. Eg vil anbefale at man skiller tydelig mellom rolig og hard trening slik at kroppen får tid til å hente seg inn igjen mellom dei harde øktene.

Til slutt vil eg ønske alle lykke til med grunntreninga inn i det nye året. Gode forberedelser er nøkkelen til gode opplevelser i Sentrumsløpet og andre løp. Smerte er midlertidig, æren er evig.

Marius Vedvik

NB! Vedvik er ambassadør for Sponser Sport Food. Sponser sin sportsdrikke vil bli servert på drikkestasjonene under Asics Sentrumsløpet 2018.

For mer om Sponser Sport Food: www.sponser.no